name@gmail.com
name@gmail.com
01-64851 / 09-247997483 / 09-738363848
သဲအင်းဂူဗဟိုဌာနချုပ် (မှော်ဘီ )
မြန်မာနိုင်ငံတွင် ဗုဒ္ဓဘာသာနှင့် ပတ်သက်၍ (ခုနှစ်သက္ကရာဇ် ၁၀၄၄ခုနှစ်) အနော်ရထာဘုရင်မင်းမြတ် လက်ထက်မှစပြီး ယခု ၁၉၆၁-၆၂ ခုနှစ်အထိ နှစ်ပေါင်း ၁၀၀၀ နီးပါးကာလ အတွင်းတရားထူး၊ တရားမြတ်ရရှိကာ (ရဟန္တာ)ဟု (ကျော်ကြား)ခဲ့သော သံဃာတော်များစွာ ပွင့်လင်းပေါ်ပေါက် တော်မူခဲ့ပါပြီ။ ထိုသံဃာတော်များအနက် မှော်ဘီမြို့နယ်၊ နှောကုန်းကျေးရွာဇာတိ သဲအင်းဂူဆရာတော် ဦးဥက္ကဌသည်လည်း တစ်ပါးအပါအ၀င်ဖြစ်ပါသည်။
သဲအင်းဂူ ၀ိပဿနာကမ္မဌာန်းကျောင်းတိုက်ကို သဲအင်းဂူဆရာတော်ကြီး ဦးဥက္ကဌမှတည်ထောင်ခဲ့ပါသည်။
သဲအင်းဂူကျောင်းတိုက်သည် ရန်ကုန်တိုင်း မှော်ဘီမြို့နယ် နှောကုန်းကျေးရွာအနီးတွင် တည်ရှိပါသည်။ နှောကုန်းကျေးရွာပတ်လည်တွင် ညောင်ပင်အင်း၊ ခွေးပုတ်အင်း၊ ကြာအင်း၊ သဲအင်း စသောအင်းများရှိပါသည်။ သဲအင်းဂူကျောင်းတိုက်သည် သဲအင်း၏ ဘေးတွင်တည်ရှိသည့်အတွက် ၎င်းကိုအစွဲပြု၍ သဲအင်းဂူ ၀ိပဿနာကမ္မဌာန်းကျောင်းဟု ခေါ်တွင်လာကြပါသည်။
ရန်ကုန်မြို့မှ မိုင်ပေါင်း၃၀အကွာအ၀ေးတွင်တည်ရှိပြီး ရန်ကုန်-ပြည် ကားလမ်းမပေါ်ရှိ စုပေါင်းရုံးမှတ်တိုင်မှ အတွင်းသို့ (၄)မိုင်ခန့်၀င်ရောက်လျှင် သဲအင်းဂူ ၀ိပဿနာကမ္မဌာန်းကျောင်းတိုက်သို့ရောက်ရှိပါသည်။
